musbat

sft. 1. mat. Noldan katta, noldan yuqori.

Musbat son.

2. fiz. Moddiy qismlari proton va pozitrondan iborat elektrga oid.

Musbat zaryad.

3. kam qoʻll. ayn. Ijobiy.

Koʻrgan-bilgan odamlarimdan qay biriga oʻxshatsam boʻladi? degan savollar fikrini mashgʻul etarkan, u, albatta, musbat javob topar, shubhasini ishonchi yengar edi. — Oybek, Tanlangan asarlar

Unga musbat voqea ham, manfiy voqea ham tez taʼsir qilar, noxush voqeadan ham, zavqyob hodisadan ham darhol qalbi junbishga kela boshlardi. — S. Siyoyev, Avaz