муболаға

от 1. ад. Тасвирланаётган ёки таърифланаётган кимса, нарса, ҳодиса ва шу кабиларни ўқувчиларга яққол, таъсирли қилиб етказиш учун уларнинг сифат -ларини орттириб, бўрттириб кўрсатиш; шу мақсадда ишлатилган сўз, ибора; гипербола.

Ўзбек мумтоз адабиёти муболағаларга бой.

[Анвар:] Агар менга ҳурмат лозим бўлса, муболаға билан эмас, яна такрор айтаман, бир қариндошингиз қаторида такаллуфсиз муомала қилиш билан бўлсин. — А. Қодирий, Меҳробдан чаён

2. Умуман, бўрттириш, ошириб юбориш; лоф.

Муболаға қилмоқ.

Энди гузар ва йиғинларда мулла Обиднинг кучи ҳақида муболаға бошлайдилар. — А. Қодирий, Обид кетмон

Анвар жавобни ўқиб завқланди: — Офарин, Раъно, лекин бировнинг устида ортиқчароқ муболаға қилибсан. — А. Қодирий, Меҳробдан чаён