Motorola

Телекоммуникация воситалари, тизимлар ва интеграл схемаларни ишлаб чиқарувчи компания. Моторола компанияси Ақшда 1928 йилда яратилган бўлиб, дастлаб Галвин Мануфактуринг деб номланган. 1947 йилда номини ўзгартирган. Ўз фаолиятини кучланиш ўзгартиргичларини ишлаб чиқаришдан бошлаган. Кейин, радио қабул қилувчилар, телевизорлар, радио қурилмаларни ишлаб чиқишга ўтган. 1952 йилда Моторола яримўтказгичларни, 1960 йилда эса радио чақириш қурилмаларини ишлаб чиқаришни ёʻлга қўйган. 1974 йилда Моторола ўзининг биринчи микропроцессорини ишлаб чиқарган. Ҳозирги кунда компания турли хил радио қурилмаларни ишлаб чиқаради – кичик ҳажмдаги радио чақириш қурилмаларидан тортиб ерусти ёʻлдош стансияларигача.