motam

ot 1. Yaqin yoki moʻtabar kishining oʻlimi tufayli yuzaga kelgan qaygʻuli holat; azadorlik va shu munosabat bilan bogʻliq boʻlgan maʼraka, taʼziya, rasm-rusmlar (qora kiyish, bayram qilmaslik va shu kabilar).

Motam bayrogʻi. Motam libosi. Motam majlisi. Motam marshi,

Akasining dardi bilan toʻlgan qalbi uchun, yaqindagina oʻlgan onasining motami oʻz keskinligini bir daraja yoʻqotgan edi. — Oybek, Tanlangan asarlar

Hamza oʻldirilgan. Shohimardonda motam edi. — N. Safarov, Olovli izlar

Muzaffar zotlarga motam nojoiz, Ularning haqqidir faqat iftixor. — A. Oripov

2. koʻchma Qattiq tashvish, qaygʻu-alamli holat.

Qaynataning Gulnorga ushanish niyati ular uchun katta motam boʻldi. — Oybek, Tanlangan asarlar