мизанссена

от фр. мисе эн скене – саҳнада жойлашиш. Спектакл давомида актёрларнинг спектаклнинг айрим кўринишларига мос жойлашуви. Мизанссена воқеа иштирокчилари ҳаракатларини, улар ўртасидаги муносабатларни ва асарнинг ғоявий бадиий ечимини ҳал қилишда муҳим восита ҳисобланади. Мизанссена режиссёр томонидан тўғри ҳал этилса, спектаклда уйғунлик, яхлитлик ҳосил бўлади. Мизанссена орқали томоша услуби, жанр хусусиятлари, давр руҳи, тарихий шароит ҳамда асарнинг режиссёрлик талқини ўз ифодасини топади. Аниқ мизанссена танлаш жараёни рассом иши билан боғлиқ бўлиб, у режиссёр билан биргаликда спектаклнинг мақбул, тўғри ечимини топиб, саҳна ҳаракати учун шароит яратади. Ҳар бир мизанссена актёр томонидан психологик асосланган бўлиб, табиий, узвий ҳолда ифода этилиши лозим. мизанссена режиссёрлик санъатида муҳим ўринга эга, режиссёр услубини, маҳоратини намойиш этувчи амалий саҳнавий композиция туридир.

Кўп вақт режиссёр тайёрлаган ссенарий бадиий ссенарийни тахминий кадрларга бўлишдан иборат бўлиб қолади, эпизоднинг талқини, картиналарнинг ритмаси, мизанссеналар кўрсатилмайди. — Газетадан