мисол

от 1. Тушунтириш учун ёки далил, исбот ва шу кабилар тариқасида бир турли нарса, ҳодиса ва шу кабилардан олинган айрим намуна; ўрнак.

Мисол келтирмоқ. Мисолга олмоқ. Мисол учун гапирмоқ.

[Ҳакимбойваччаж Ёмонларнинг кўпайгани ҳақида шикоят қилди. Мисол учун Ёʻлчини олди. — Ойбек, Танланган асарлар

Шайбонийхон мирзоларнинг инсофни, имонни унутганлари, эл-улусни вайрон қилганларига яна бир талай мисоллар келтирди. — П. Қодиров, Юлдузли тунлар

2. Ечиш, машқ қилиш учун бериладиган математик ифода.

Мисол ишламоқ. Ечилиши осон мисол.

3. кам қўлл. айн. Мисоли.

Оқ пахтамиз таронаси ёйилсин тонг мисоли. — Тўла

Кунларим ҳам энди тийиқсиз Оқар кўзим ёшлари мисол. — Ш. Раҳмон