misol

ot 1. Tushuntirish uchun yoki dalil, isbot va shu kabilar tariqasida bir turli narsa, hodisa va shu kabilardan olingan ayrim namuna; oʻrnak.

Misol keltirmoq. Misolga olmoq. Misol uchun gapirmoq.

[HakimboyvachchaJ Yomonlarning koʻpaygani haqida shikoyat qildi. Misol uchun Yoʻlchini oldi. — Oybek, Tanlangan asarlar

Shayboniyxon mirzolarning insofni, imonni unutganlari, el-ulusni vayron qilganlariga yana bir talay misollar keltirdi. — P. Qodirov, Yulduzli tunlar

2. Yechish, mashq qilish uchun beriladigan matematik ifoda.

Misol ishlamoq. Yechilishi oson misol.

3. kam qoʻll. ayn. Misoli.

Oq paxtamiz taronasi yoyilsin tong misoli. — Toʻla

Kunlarim ham endi tiyiqsiz Oqar koʻzim yoshlari misol. — Sh. Rahmon