miniatyura

ot 1. snt. 1 Oʻrta asr qoʻlyozma asarlari va kitoblarda boʻyoqlar bilan chizilgan nafis rasm, surat, bezakli bosh harf yoki lavha.

Navoiy lirikasi va Xamsa siga Behzod ishlagan miniatyuralar oʻrta asr tasviriy sanʼatining qimmatbaho durdonalaridandir. — F. Xusaynova, Qoʻqon adabiyot muzeyida.

2. Nozik va chiroyli qilib ishlangan kichkina rasm, surat; shunday surat va rasmlar solish sanʼati.

Miniatyura namunasi. Sharq miniatyurasi.

XVI

asr Buxoro miniatyura sanʼatida ham yuqoridagi anʼana davom etadi. — Fan va turmush

3. Kichik adabiy yoki sahnaviy-musiqiy asar.

“Taʼzim” toʻplamiga kiritilgan Gul haqida hikoyalar, Jajji hikoyalar turkumlari yaxshi miniatyuralardir. — Gazetadan