миллий

сфт. 1. Бирор миллатнинг, халқнинг ўзига хос бўлган, унинг хусусиятларини ифодаловчи.

Миллий маданият. Миллий мусиқа. Миллий кийим. Миллий меъморчилик.

Боғдаги махсус павилонларда миллий таомлар тайёрлаб сотилмоқда. — Газетадан

2. Бирор мамлакатга, давлат ва унинг аҳолисига оид.

Республикамизнинг миллий байроғи. Миллий даромад.

Ўрта Осиёда илк бор республикамизда 1976 йил сентябрида Зомин миллий парки таъсис этилди. — Фан ва турмуш

3. Миллат билан боғлиқ, миллатига кўра бўлган.

Мен ирқий ва миллий айирма ва камситишлар одамларни энг заиф жонивордан ҳам кучсиз ва муте қилиб ташлаган ўлкаларни кўрганман. — Зулфия, Чўққилар