milliy

sft. 1. Biror millatning, xalqning oʻziga xos boʻlgan, uning xususiyatlarini ifodalovchi.

Milliy madaniyat. Milliy musiqa. Milliy kiyim. Milliy meʼmorchilik.

Bogʻdagi maxsus pavilonlarda milliy taomlar tayyorlab sotilmoqda. — Gazetadan

2. Biror mamlakatga, davlat va uning aholisiga oid.

Respublikamizning milliy bayrogʻi. Milliy daromad.

Oʻrta Osiyoda ilk bor respublikamizda 1976 yil sentyabrida Zomin milliy parki taʼsis etildi. — Fan va turmush

3. Millat bilan bogʻliq, millatiga koʻra boʻlgan.

Men irqiy va milliy ayirma va kamsitishlar odamlarni eng zaif jonivordan ham kuchsiz va mute qilib tashlagan oʻlkalarni koʻrganman. — Zulfiya, Choʻqqilar