МИКРОТРЕЩИНЫ

жинс-коллекторлардаги микроскопда фақат шлифда кўринадиган дарзликлар. Очиқлиги 0,005—0,16 мм, одатда, узоққа чўзилмаган, шакли оддий ёки кучли эгри-бугри бўлади. М. қуйидаги хилларга бўлинади: а) жуда тор — 0,005—0,01 мм (капиллярли); б) тор — 0,01—0,05 мм (субкапиллярли); в) кенг — 0,05—0,15 мм (толасимон). Биринчи икки хил дарзликлар, доломитларнинг юпқа қатчаларига мансуб бўлиб, одатда, қатчалар чегарасини кесиб ўтмайди. Булар эҳтимол диагенез жараёнида ҳосил бўлган. Толасимон дарзликлар энг кўп тарқалган. Узунлиги унчалик катта эмас. Булар оҳактошларнинг доломитланишида ҳажмининг кичрайишидан ҳосил бўлади. М. нинг асосий тўрт тоифаси ажратилади: 1. Битум (нефт) билан тўлган дарзликлар. 2. Битум (нефт) ва минерал модда билан тўлган дарзликлар (оралиқ тури); 3. Минерал модда билан тўлган дарзликлар. 4. Очиқ дарзликлар. Дарзликлар нефт конларини ҳосил бўлишида муҳим рол ўйнайди., Микродарзликлар