МИКРОТРЕЩИНЫ

jins-kollektorlardagi mikroskopda faqat shlifda koʻrinadigan darzliklar. Ochiqligi 0,005—0,16 mm, odatda, uzoqqa choʻzilmagan, shakli oddiy yoki kuchli egri-bugri boʻladi. M. quyidagi xillarga boʻlinadi: a) juda tor — 0,005—0,01 mm (kapillyarli); b) tor — 0,01—0,05 mm (subkapillyarli); v) keng — 0,05—0,15 mm (tolasimon). Birinchi ikki xil darzliklar, dolomitlarning yupqa qatchalariga mansub boʻlib, odatda, qatchalar chegarasini kesib oʻtmaydi. Bular ehtimol diagenez jarayonida hosil boʻlgan. Tolasimon darzliklar eng koʻp tarqalgan. Uzunligi unchalik katta emas. Bular ohaktoshlarning dolomitlanishida hajmining kichrayishidan hosil boʻladi. M. ning asosiy toʻrt toifasi ajratiladi: 1. Bitum (neft) bilan toʻlgan darzliklar. 2. Bitum (neft) va mineral modda bilan toʻlgan darzliklar (oraliq turi); 3. Mineral modda bilan toʻlgan darzliklar. 4. Ochiq darzliklar. Darzliklar neft konlarini hosil boʻlishida muhim rol oʻynaydi., Mikrodarzliklar