МИКРОНЕОДНОРОДНОСТЬ

углеводородлар билан тўйинган муҳит коллекторлик хусусиятларининг ўзгарувчанлиги — ўтказувчанлиги, ғоваклилиги (бўшлиқлиги), нефтга тўйинганлиги, шунингдек, уларнинг хусусиятлари: гиллилиги, карбонатлилиги, сементланганлик даражаси, гранулометрик ва минерал таркиби, бўшлиқ майдоннинг структураси ва b.ni аниқлайди. Фанга Л.Ф.Дементев (1965) киритган. М. жинсларнинг ички микроструктурасига боғлиқ, уни керн намунаси ёки шлифларда ўрганиш мумкин. M.ning литологик, гранулометрик, минералли турлари, шунингдек, ўтказувчанлик, ғоваклилик хиллари ажратилади. Жинсларнинг ўтказувчанлиги бўйича аниқланган М. энг муҳим кўрсаткич ҳисобланади. Бундай М. ўз навбатида зонал ва қатли турларга бўлинади. Зонал М. майдонда тарқалган маҳсулдор қатламларнинг суюқлик ўтказувчанлигини ўзгаришига боғлиқ. Зонал М. уюмнинг турли қисмларида қудуқларнинг самарадорлиги (сарфи)га муҳим таъсир қилади. Қатли М. кесимлардаги коллектор қатламларнинг ҳар хил ўтказувчанлигига боғлиқ бўлиб қудуқлар ва қатламларнинг ишлатишда уларни сув босиши характерини белгилайди., Микроҳархиллик