МЕТОД ЭЛЕКТРОПРОФИЛИРОВАНИЯ

oʻzaro mustahkam joylashgan taʼminlovchi va oʻlchash elektrodlari yordamida jinslarning zohiriy solishtirma elektr qarshiligini oʻrganuvchi geofizik razvedka metodi. Elektrodlar toʻgʻri chiziq boʻyicha maʼlum masofaga koʻchirilib (joyi oʻzgartirilib) turiladi. Oʻlchaydigan asboblardan elektr razvedka potensiometri EP-1 va elektron milli kompensatori ESK-1 mavjud. Solishtirma qarshilikni aniqlash uchun quyidagi formula ρ=KΔU/I dan foydalaniladi. Bunda K — taʼminlovchi va qabul qiluvchi elektrodlarning oʻzaro joylashishi va oralaridagi masofaga bogʻliq koeffitsiyent, I — taʼminlash zanjiridagi tok kuchi, ΔU — qabul qiluvchi elektrodlar orasidagi potensiallar ayirmasi. Tok manbai sifatida elektr batareyalar 69-GMRU-6, 29-GMRU-13, BAS-80 va h.k.lardan foydalaniladi. E.k.m. natijasida oʻrganilayotgan maydonning geologik kesimi tuziladi., Elektr kesmalash metodi