meros

ot 1. Marhumdan vorislarga qolgan mulk.

Otadan qolgan meros.

Xotinimga tegadigan merosdan mani quruq qilishga urinishadi ular. Lekin boʻsh kelmayman. — Oybek, Tanlangan asarlar

2. huq. Mol-mulk, huquq va majburiyatlar egasi vafot etishi bilan ularning boshqa shaxs ixtiyoriga oʻtishi.

3. Oʻtganlardan qolgan, oʻtgan narsa, odat va shu kabilar

Hujayramning har boʻlagida Ajdodlardan meros qonim bor. — A. Muxtor

Hamma qizlar erga tegish oldida bir-bir yigʻlab oladi-ku, Bibi Fotimadan qolgan meros-ku. — Oybek, Tanlangan asarlar

4. Ajdodlardan avlodlarga qolgan ilmiy, adabiy, madaniy boylik.

bobolarimiz qoldirib ketgan meros va yodgorliklar bilan yaqindan tanish boʻlmay turib, kelajagimizni bila olmaymiz. — N. Safarov, Olovli izlar