МЕЖПЛАСТОВАЯ БЕЗНАПОРНАЯ ВОДА

suv oʻtkazmaydigan ikki qatlam orasiga joylashgan suv singiydigan qatlamda suv toʻplanishidan hosil boʻlgan yer osti suvi. Ular bosimsiz yoki bosimli boʻladi. Q.b.s. yer yuzasidan ikkinchi, uchinchi va h.k. boʻlib joylashgan suv oʻtkazmaydigan qatlamlar orasidagi jinslarda hosil boʻlib, doimo grunt suvlarining ostida uchraydi. Bunday suvlar suv saqlovchi jinslarning gʻovak va boʻshliqlarini toʻliq toʻldira olmaydi, chunki ular daryo vodiylari, jarliklar, daralar bilan kesishgan boʻladi. Shu joydan yer osti suvlari yer yuzasiga buloq koʻrinishida chiqadi va oqar suvlarga qoʻshiladi. Suvning yer yuzasiga chiqqan joylari boʻshalish oblasti deb ataladi. Q.b.s.larning taʼminlanish oblasti suv singuvchi qatlamning yer yuzasiga chiqqan qismiga toʻgʻri keladi. Bunday suvlar oqimi grunt suvlari oqimiga oʻxshash boʻladi., Qatlamlararo bosimsiz suv