майин

сфт. 1. Ипакдек юмшоқ ва нозик, қўлга мулойим уринадиган.

Майин жун. Майин соч. Майин газмол.

Шайбонийхон бўталоқ жунидан тўқилган майин малла жойнамоз четига қайтиб ўтирди. — П. Қодиров, Юлдузли тунлар

2. кўчма Ёқимли, мулойим.

Майин шабада. Майин куй.

[Дўндиқнинг] Хаёлчан юзларида майин табассум пайдо бўлди. Ойдин, — Дўндиқдан ҳам ёш экан

Чирилдоқларнинг майин мусиқаси ҳамма ёқни тўлдирган. — Ойбек, Танланган асарлар