maxluq

ot 1. Inson va butun jonivorlarning, tirik mavjudotning umumiy nomi.

[Abdujamil boy:] Oʻldirgan boʻlsangiz, sadqayi sar um degan maxluq topiladi. — A. Qodiriy, Obid ketmon

Juftlik yolgʻiz kishilar orasidagina emas, yer yuzidagi har bir maxluqda ham bor. — A. Qodiriy, Mehrobdan chayon

2. Insondan boshqa jonli narsaga nisbatan qoʻllanadi.

Beor Isroilov badbashara bir maxluq; qiyofasida koʻz oldiga keldi. — A. Muxtor, Chinor

Ilondek maxluqning tabiati, foydasini tushungan odam uni sovuq deyishga tili bormaydi. — Fan va turmush

3. koʻchma Oʻxshovsiz, xunuk, jirkanch jonivorga nisbatli haqoratni bildiradi.

Hojimat oldinga yurishga majbur boʻldi. Bu maxluqdan har narsani kutish mumkin edi. — A. Muxtor, Boʻronlarda bordek halovat

— Qandoq maxluqsan oʻzing? — dedi Said Jalolxon. — A. Qahhor, Asarlar

Fuod afandi tanfurushlar gumashtasi boʻlib, qora umrini qora ishlar bilan oʻtkazgan qabih bir maxluq edi. — M. Ismoiliy, Fargʻona tong otguncha

Bas, uyatsiz maxluq,! kim uni zaharlaydi. — Oybek, Tanlangan asarlar