mavzu

ot Ilmiy tadqiqot, badiiy asar, fikr-mulohaza yuritish, suhbat, maʼruza va shu kabilar uchun tanlab olingan obyekt.

Ilmiy maqola mavzusi.

Turli mavzularda dilkash suhbat qilishdi. — Oybek, Navoiy

Ibodov bu gapga ishonmadi. Lekin mavzu qiziqtirib qoʻygan edi. — F. Musajonov, Himmat

Samovarlarda, guzarlarda, toʻyu tomoshalarda boʻladigan askiyalar hamon Gʻiyos oʻgʻri mavzusidan chetga chiqmasdi. — S. Ahmad, Hukm

U Elmurod bor joyda tek turolmas biron ilmiy yoki diniy mavzuda masala talashib oʻtirishni yaxshi koʻrar edi. — P. Tursun, Oʻqituvchi.