матнга ишлов бериш

Матнларни киритиш, таниш, сақлаш, таҳрирлаш, форматлаш ва чоп этиш жараёни. Матнларга ишлов беришнинг муҳим босқичи бўлиб, уларни тизимга киритиш ва хотирада жойлаштириш ҳисобланади. Бу амал клавиатура, нурли перо ёки сканер ёрдамида бажарилади. Кейинги босқичда матн тайёрланади. У ҳужжатлардаги кўп сонли стандарт қисмларни – кўрилаётган масалалар, вақт, манбаларни ўз ичига олган маълумотларни жойлаштириш билан боғлиқ. Матнларга ишлов беришда қуйидаги вазифалар бажарилади: - ҳужжатларни варақнинг ўлчамлари ва форматини танлаб таҳрирлаш; - кўчиришларни автоматик бажариб, матнни кўрсатилган чегаралар бўйича текислаш; - стандарт қолипли ҳужжатларни яратиш, масалан бланкларда; - турли шрифтларни (қалин, курсив), ост чизиқли ҳарфлари ишлатиш; - бир турдаги ҳужжатларни чоп этиш, матннинг ўзгарувчан қисмини киритиш. Матнларга ишлов бериш ҳужжатларга ишлов бериш учун пойдевордир.инглизчаtext processingрусчаобработка текста