matal

матал

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

matal

ot 1. a. Tugal maʼno ifodalamaydigan obrazli ibora, hikmatli soʻz (masalan, qizil qor yoqqanda, tuyaning dumi yerga tekkanda).

2. Qissa, masal.

Qulmurodning mataldek boʻlib eshitilayotgan dard-alamli hikoyasi ostida Shokir qachonlar uyqu daryosida gʻarq boʻlgan edi. — S. Ayniy, Qullar

maʼtal

ot ayn. Mahtal.

Olim otlarga qarashib turdi. U Otlarni egarla! degan farmonga maʼtal. — A. Hakimov, Ilon izidan

Safarov Samandarov hanuz javobga maʼtal turganini koʻrib: — Kolxozchilarning oʻzlaridan yaxshiroq maslahat chiqadi, — dedi. — A. Qahhor, Qoʻshchinor chiroqlari

Maʼtal boʻlmoq Muntazir holatda boʻlmoq. Har qalay, buyruqqa maʼtal boʻlib, shaylanib turibmiz. — N. Safarov, Olovli izlar
Maʼtal qilmoq Muntazir qilmoq; kuttirmoq. ikki birodarni maʼtal qilib qoʻymay talablarini yeriga yetkazdilar. — K. Aliyev, Qabrga koʻmilgan ishoratlar

Maqoladagi xato haqida xabar berish