маршрутлаш

Коммуникация тармоғида маълумотлар блоки ҳақиқий олувчига етиб бориши мумкин бўлган маршрутни аниқлаш жараёни. Маршрутлаш обект манзилини ушбу блок узатиладиган каналлар рўйхатига айлантиришни таъминлайди. Маршрутлаш тақсимланган жараён бўлиб, маълумотлар маршрутизаторларига эга бўлган тармоқнинг барча боғламалари томонидан амалга оширилади. Бунинг учун ҳар бир боғлама чақирув ёки маълумотлар блокини маршрутлаш лозим бўлган канални аниқлайди. Тармоқларда маршрутлашнинг турли услублари қўлланилади: - Танлаб маршрутлашнинг хусусияти шундаки, маълумотлар блоклари, улар ҳақиқий олувчига етиб бормаслиги мумкинлигини назарда тутган ҳолда, бирданига бир неча ёʻналиш бўйича жўнатилади. Бунда маршрут олдиндан танланиб, у тармоқ ҳолатига боғлиқ эмас. - Белгиланган маршрутлаш тармоқнинг мумкин бўлган трафигининг энг самарали маршрутларини кўрсатувчи маршрутлари жадвалини тузишни назарда тутади. - Мослаштириладиган маршрутлашнинг белгиланган маршрутлашдан фарқи шундаки, маршрутлари жадваллари трафик ўзгаришларига қараб янгиланиб туради. - Эҳтимолий маршрутлашда маълумотлар блокларини узатиш тасодифий танлаш назарда тутилади, бунда улар ҳақиқий олувчига етиб бориши аниқ деб ҳисобланади.инглизчаroutingрусчамаршрутизация