маросим

от 1. Диний ёки анъанавий урф-одатлар муносабати билан ўтказиладиган тадбир, йиғин.

Диний маросимлар. Тўй маросими. Дафн маросими.

Келаси жума махдумнинг уйида тўй ижро қилиниб, маросимдан сўнг Раъно ўрдага юбориладиган бўлди. — А. Қодирий, Меҳробдан чаён

2. Тантаналар билан ўтказиладиган расмий йиғин.

Каналнинг очилиш маросими. Мукофот бериш маросими.

Пўттиев шу долзарб кунларда далага эмас, тантанали маросимга отланган кишидай башанг кийинган. — С. Кароматов, Сўнгги бархан

Адолат маршалнинг парад қабул қилиш маросимини биринчи марта кўраётгани учун қора кўзлари нурланиб чақнарди. — И. Раҳим, Чин муҳаббат