markaziy

sft. 1. mat.fiz. Markazga oid, markazda joylashgan.

Markaziy nuqta.

2. Boshqa oʻziga oʻxshash obʼyektlar markazida, oʻrtasida joylashgan.

Markaziy koʻcha.

Bugungi kunda markaziy posyolka gavjumlashib qoldi. — Gazetadan

3. Asosiy, muhim.

Markaziy masala. Markaziy oʻrinni egallamoq.

Sattor yumushlarini zudlik bilan toʻgʻriladi-yu, markaziy uchastkaga joʻnab ketdi. — Oʻzbekiston qoʻriqlari

4. Quyi tashkilotlarga rahbarlik qiluvchi.

Markaziy komitet. Markaziy organ. Markaziy bank.

5. Biror ish, faoliyat sohasidagi kichik mahalliy boʻlimlarni birlashtirib, boshqarib turuvchi; bosh.

Markaziy saylov komissiyasi. Markaziy statistika boshqarmasi.

6. Markaz hisoblanuvchi, markaz boʻlgan.

Oʻlkamizda bogʻdorchilik shu qadar taraqqiy etganki, yetishtirilgan noz-neʼmatlarni oʻzimiz isteʼmol qilishdan tashqari, qoʻshni mamlakatlarning markaziy shaharlariga ham yuboramiz. — Gazetadan

7. Markazga oid, qarashli (

Uning ustidan markaziy idoralarga shikoyat bilan toʻlgan uzun-uzun arizalar ucha berdi. — P. Tursun, Oʻqituvchi

Mahalliy va markaziy gazetalardan olingan koʻchirmalar bilan bezatilgan nutqining oʻn minutlik davomida rais majlis ahlini ikki marta tartibga chaqirdi. — A. Qahhor, Notiq