marka

ot 1. Pochta haqi va boshqa xil davlat yigʻimlari toʻlanganini koʻrsatuvchi, turlicha qiymatga ega boʻlgan, odatda biror tasvir tushirilgan kichikroq toʻrtburchak qogʻozcha.

Pochta markasi. Gerbli marka. Besh tiyinlik marka. Marka yigʻmoq.

2. Mol, tovarga, mahsulotga uning tayyorlovchisini aniq koʻrsatish maqsadida qoʻyilgan fabrika tamgʻasi, firma belgisi.

3. Tovar, mahsulotning navi, xili.

Poʻlatning yangi markasi.

ot Germaniyaning (1871 yildan) va Finlyandiyaning (1860 yildan) milliy pul birligi (2002 yil 1 yanvardan bu mamlakatlar pul birligi yevroga oʻtishi munosabati bilan muomaladan chiqqan).