Mariya Skladovskaya Kyuri (1867—1934)

fizik va ximik, radioaktivlik haqidagi taʼlimotning yaratilishiga bebaho hissa qoʻshgan. U Parij universitetining birinchi professor ayoli. U eri P. Kyuri bilan birgalikda yangi radioaktiv elementlar— poloniy va radiyni kashf etdi va ularning xossalarini tekshirdi. Mariya Skladovskaya Kyuri uran rudalarini qazib olish va tahlil qilishga doir klassik usullarni ishlab chiqdi, bir necha yil davomida radioaktiv nurlarning xossalarini, ularning tirik hujayralarga taʼsirini, radioaktiv izotoplar va hokazolarni tadqiq qildi.