марҳамат

от 1. Раҳм-шафқат юзасидан кўрсатиладиган илтифот, ҳиммат, яхшилик.

Дўстларнинг марҳамати. Марҳамат кўрмоқ.

Агар менинг бу хизматим хон жанобининг марҳаматига лойиқ кўрилур экан, — деди ҳожи, — менга энг манзур бўлган мукофот ўғлимнинг озод қилинишидир. — А. Қодирий, Ўтган кунлар

Хон ҳазратлари, фарзандимни, хонумонимни — ҳаммасини марҳаматингизга топширдим. — П. Қодиров, Юлдузли тунлар

2. унд. с. Таклиф ёки розилик билдирувчи сўз.

— Чексам майлими? — Марҳамат! [Майсара:] Қани, тақсирим, тўрга марҳамат! — Ҳамза, Майсаранинг иши

3. Марҳамат (хотин-қизлар исми).