marhamat

ot 1. Rahm-shafqat yuzasidan koʻrsatiladigan iltifot, himmat, yaxshilik.

Doʻstlarning marhamati. Marhamat koʻrmoq.

Agar mening bu xizmatim xon janobining marhamatiga loyiq koʻrilur ekan, — dedi hoji, — menga eng manzur boʻlgan mukofot oʻgʻlimning ozod qilinishidir. — A. Qodiriy, Oʻtgan kunlar

Xon hazratlari, farzandimni, xonumonimni — hammasini marhamatingizga topshirdim. — P. Qodirov, Yulduzli tunlar

2. und. s. Taklif yoki rozilik bildiruvchi soʻz.

— Cheksam maylimi? — Marhamat! [Maysara:] Qani, taqsirim, toʻrga marhamat! — Hamza, Maysaraning ishi

3. Marhamat (xotin-qizlar ismi).