mardikor
мардикорmardikor
ot 1. Vaqtincha yoki kundalik yollanib ishlovchi ishchi.
Dalada ishning tigʻiz vaqti oʻtgani uchun mardikorlarga bundan bir necha kun ilgari javob berilgan. — Oybek, Tanlangan asarlar.
2. tar. 1914-1918 yillardagi Birinchi jahon urushi davrida chor hukumati tomonidan chekka oʻlkalardan, jumladan, Turkistondan front ortidagi, mamlakat ichkarisidagi qora ishlarga safarbar etilgan erkak kishi.
1916-yili rus podshosi mardikor olgan vaqtda Madamin oʻz oyogʻi ostidan oʻziga qarshi koʻtarilgan yovni koʻrdi. — P. Tursun, Oʻqituvchi
3. s.t. Mardikor ishi; mardikorlik.
Siz oqpodshoning davlati soyasida yurt soʻrab, umringiz aysh-ishrat bilan oʻtyapti. Shunday boʻlgandan keyin, bir tantilik qiling, dodxoh, avval siz oʻgʻlingizni mardikorga yuboring. — K. Yashin, Hamza
el boshiga yanada katta muhtojlik tushadi va Abdurasul hamqishlogʻi Yusvali aka bilan mardikorga joʻnaydi. — P. Tursun, Oʻqituvchi
- Shaytonning mardikori Behuda ishlar bilan tinib-tinchimas odam (asosan yosh bolalarga nisbatan qoʻllanadi). Talantu iqtidor degan narsani yuqtirmagan boʻlsa, hadeb shaytonning mardikori boʻlib ishlab berishning ham foydasi yoʻqligini ilova qilishim kerak! — OʻTA