маъқул
maʼqulмаъқул
сфт. 1. Талаб-истакка тўғри келадиган; мақбул.
Маъқул иш. Маъқул гап. Маъқул фикр.
Комплекс лойиҳалар ҳозир сероб. Маъқулини танлайсиз, қураверасиз. — Ўзбекистон қўриқлари
Низомиддинов ишни бир ёқлама олиб боряпти. Шу одамнинг иши менга унчалик маъқул эмас. — С. Аҳмад, Ҳукм
2. (кесим вазифасида ёки таркибида) Яхши, дуруст.
Ёки ўзини кўрмасдан, ғойибона севиб юрганим маъқулмикан? — Х. Тўхтабоев, Ширин қовунлар мамлакати
Нонушта қила-ётганимизда, мана бу чўқморни унга айтиб қўйганимиз маъқул. — Мирмуҳсин, Меъмор
3. Маъқуллаш, розиликни билдиради: яхши, дуруст, хўп.
Маъқул, маъқул, бой ота, шояд давлатингиз кам бўлмасин! — Ойбек, Танланган асарлар
Эрта билан ёʻлга чиқайлик. — Маъқул, — деди Меъмор. — Мирмуҳсин, Меъмор
4. Гап-сўзни қайтармайдиган; ювош.
Башорат хола қаршисида опасини хуноб қиладиган енгилтак Олимжон эмас, балки оғир табиатли, мўмин, маъқул ва эс-ҳушли, бутунлай бошқа бир бола тургандай эди. — А. Мираҳмедов, Кулган чечаклар
- Маъқул бўлмоқ (ёки келмоқ, тушмоқ) Мақбул деб қабул қилмоқ. Гапим икковига ҳам маъқул бўлди, шекилли у ёғи кўнгилдагидек бўлди. — Х. Тўхтабоев, Ширин қовунлар мамлакатиБу гап залда ўтирганларга ҳам маъқул тушди. — ЁшликКаромат хола, ҳатто бирор нарса ўзига ҳаддан ташқари маъқул келса ҳам, ўша нарсани қарғаб-қарғаб мақтарди. — Ю. Шомансур, Қора марварид
- Маъқул қилмоқ Маъқул деб тан олдирмоқ; маъқуллатмоқ. У дўстларига тунов кунги шеърини маъқул қила олганига қувонарди. — С. Сиёев, Ёруғлик