манба

от 1. геогр. Дарёларнинг бошланиш жойи.

2. Бирор нарса олинадиган, чиқадиган ёки ишлаб чиқариладиган жой, қурилма ва шу кабилар

Хомашё манбаи. Газ манбалари. Электр манбаи.

[Бу ерлар] Ширин-шакар мевалар ва қовун-тарвуз маконига, арпа-буғдой, макка ва сабзавот манбаига айланади. — С. Кароматов, Сўнгги бархан

3. кўчма Бирор нарса, иш-ҳаракат ва шу кабиларнинг юзага келиши, фаолият учун асос-омил бўлган нарса; сабаб.

Илмсизликни ночорлик ва ношудлик, алам ва ситам, хўрлик ва бахцизлик манбаи дейишади. — Ф. Мусажонов, Ҳиммат

4. Илмий тадқиқот ишлари учун асос бўлган асар, ҳужжат ва шу кабилар

Бу [Ҳиндистон сафарномаси] Ҳиндистон билан Ўрта Осиё халқлари ўртасидаги қадимий алоқаларни ўрганишда фойдали манбадир. — Газетадан