мактаб

от 1. Ўқитувчи раҳбарлигида ёш авлодга савод ўргатиб, уни маълумотли қилувчи таълим-тарбия муассасаси.

Бошланғич мактаб. Интернат мактаб. Ўрта мактаб. Мактабга кирмоқ. Болани мактабга бермоқ. Болага оила ҳам, мактаб ҳам баравар тарбия бериши, одоб-ахлоқ ўргатиши шарт. — Газетадан

2. Касб, ҳунар, ихтисос ўрганиладиган ўқув юрти.

Мусиқа мактаби. Шофёрлар мактаби. Ҳунар мактаби.

Тошкент хореография мактабининг ташкил этилганига эллик йил тўлди. — Саодат

3. Илм-фан, санъат, адабиёт, ижтимоий-сиёсий фаолият соҳасида бирор оқим, ёʻналиш.

Мактаб яратмоқ. Мактаб яратган олим.

Ҳозирги вақтда бемалол бадиий таржимада Ойбек мактаби, Абдулла Қаҳҳор мактаби, Миртемир мактаби ҳақида гапириш мумкин. — Ғ. Саломов, Таржима назариясига кириш

4. Ўрганиш, тажриба орттириш, ўрнак олиш манбаи.

Ҳаёт зўр мактаб экан, ҳақиқий фикрлар вужудга келаётир. — Ойбек, Нур қидириб