mabodo

1. yukl. Shart ergash gapli qoʻshma gaplarda shart gapga oid ehtimollik, aniq emaslik maʼnosini bildiradi, qayd etadi; agarda, bordi-yu.

Mabodo bir nima soʻralsa, qisqa javob qilardi. — Mirmuhsin, Meʼmor

Mabodo qiynalsang, toʻgʻri oldimga kelaver. — S. Siyoyev, Yorugʻlik

Arman yurtin koʻrolmasam mabodo, Bu dunyodan armon bilan oʻtardim. — E. Vohidov

2. mod. s. Aniq emaslik, ehtimollik maʼnosini bildiradi.

Mabodo kelmaydimi?

[Tojiboy:] Xatni tushgan joyiga qoldirib keldimki, mabodo qoʻlga tushmasin deb. — Hamza, Paranji sirlari

Mabodo Toʻyamoʻyinga ishga ketayotganingiz yoʻqmi? — S. Siyoyev, Yorugʻlik.