Лубочная литература

Dastlab Rossiyada lipa daraxti taxtachasiga solingan rasmlarga izoh, tushuntirish tekstlari tarzida yuzaga kelgan kitoblarning bir turi. Lubok adabiyoti asarlari XVIII asrning oxiri va XIX asr davomida koʻplab yaratildi. Ularning keng tarqalib ketishlari uchun arzon narx qoʻyilar edi. Lubok adabiyotida rus va chet el klassiklarining ham asarlari oʻzgartirilgan, buzilgan holda bosilib turar edi. Lubok adabiyotining aksariyati kam madaniyatli aholiga moʻljallangan ishqiy va qiziqarli tarixlardan iborat edi. M. Komarov, A. Filippov, A. Orlov, I. Guryanov, F. Kuzmichev kabi ijodkorlarning qissa, ertak va qoʻshiqlar toʻplami ham lubok adabiyotida bosilgan. Biroq aksariyat lubok adabiyoti anonim xarakterga ega edi. Gʻoyaviy-badiiy saviyasi past, ijtimoiy ahamiyatga ega boʻlmagan bunday adabiyot rus revolyutsion-demokratlari tomonidan koʻp marta tanqid qilingan., lubok adabiyoti