лойиҳа

от 1. Бино, иншоот, машина ва шу кабиларни қуриш ёки тиклаш учун ишланган, тайёрланган ҳужжатлар (чизма, ҳисоб-китоб, андоза, нусха ва шу кабилар) мажмуи.

Бинонинг лойиҳаси. Лойиҳа тузмоқ.

Лойиҳага кўра, уй чердагига ўрнатилган қуёш батареяси сувни кислород ҳамда водородга ажратади. — Фан ва турмуш

2. Қарор, фармон, қонун ва шу кабилар ҳужжатларнинг дастлабки хомаки матни.

— Қарорнинг лойиҳаси ҳам бор, — деб раис кнопкани босди. — Ж. Шарипов, Хоразм