ЛИТОЛОГИЧЕСКИ ОГРАНИЧЕННЫЕ ЗАЛЕЖИ

uch yoki hamma tomonidan kuchsiz oʻtkazuvchan jinslar bilan chegaralangan, gʻovakli jinslarda hosil boʻlgan litologik uyumlar. Neft kollektorlari daryo irmogʻi, oʻzani, qirgʻoq doʻngliklarini tashkil etgan qumtosh yoki chigʻanoqli ohaktoshlar, darzli ohaktoshlar, dolomitlar, dolomitlashgan mergellar va b.dan tarkib topgan boʻlishi mumkin. Ularni oʻrab turgan kuchsiz oʻtkazuvchan qalin qatlamlar gil, zich ohaktosh yoki b. zich jinslardan iborat boʻladi. Litologik chegaralangan uyumlar oʻlchami, odatda unchalik katta boʻlmaydi. Ular turli strukturalarda: antiklinal, monoklinal va sinklinal yonbagʻirlarda uchraydi. Neft, suv va gazning joylashishi alohida uyumlarning strukturalarida nisbatan joylashganiga bogʻliq. Odatda, neft, suv va gaz tutqichlarda solishtirma ogʻirligiga muvofiq joylashadi., Litologik chegaralangan uyumlar