lekin

1. zidl. bogʻl. Mazmunan bir-biriga zid boʻlgan sodda gaplarni, mazmunan zid boʻlsa-da, biri ikkinchisini inkor etmaydigan gaplarni bogʻlaydi.

Uy kichkina, lekin yorugʻ.

Sidiqjon bilan Kanizak kelganda, zalga odam toʻlgan, lekin prezidium atrofida hech kim yoʻq edi. — A. Qahhor, Qoʻshchinor chiroqlari

— Toʻgʻri, oʻzi choʻloq-ku, lekin shamoldan tez uchadi, hayronman Ishni puxta qildi. — Oybek, Tanlangan asarlar

2. ot vzf. Qilinayotgan ish-harakatning zaminida boshqa maqsad, ketidan keladigan boshqa narsa borligini ifodalash uchun ishlatiladi.

[Fazliddin:] Pulni undirish uchun akam shoshmas edi, bir parcha bogʻ bizga unchalik kerak emas. Uning lekini bor, yigitcha yaqinda mardikor boʻlib urushga joʻnashi mumkin. — Oybek, Tanlangan asarlar