Легенда

афсона. Халқ ижодининг прозаик жанрларидан бири бўлиб, унинг сюжети асосида ажойиб-ғаройиб фантастик воқеалар ётади ва бу нарса унинг тузилиши, тасвирий восита ҳамда усулларини белгилаб беради. Афсоналар кўпинча ривоятлар асосида юзага келади. Бунда ривоятдаги мавжуд тарихий ҳақиқат элементлари ёʻқолиб, биринчи ўринга афсонавий мотивлар — хаёлий, ҳақиқатдан йироқ уйдирмалар ўтади. Афсонанинг муҳим хусусиятларидан бири бошқа фолклор жанрлари билан яқин муносабатда бўлишидир. Шу муносабат туфайли у кўпинча эртак сюжетларига асосланади ёки улардаги муҳим мотив (қ.)лардан бири сифатида учрайди. Афсоналар ўз мавзуига кўра тарихий, топонимик, диний, маиший каби турларга бўлинади.