lazzat

ot 1. Narsalarning maza-taʼm bilish aʼzolari orqali seziladigan xususiyati; maza, taʼm.

Ovqatning lazzati. Anjirning lazzati.

2. koʻchma Huzur-halovat hissi; maza, nashʼa, zavq.

Mehnat lazzati. Dunyo lazzatlari. Uyqu lazzati. Oson ishda lazzat boʻlmaydi.

Sohillarni aylanib, Oʻtiramiz oqshomlar. Kech lazzatiga qonib, Rohatlanadi tanlar. — T. Toʻla

Ahmad koʻzini yumdi. Butun vujudi boʻylab lazzat taralgandek boʻldi. — F. Musajonov, Himmat

3. Lazzat (xotin-qizlar ismi).