латофат

от 1. Латиф кўриниш, чирой; латифлик, нозиклик, гўзаллик.

Бир қиз бўлса, шунчалик бўлар-да! Ана латофат, ана назокат! — Шуҳрат, Шинелли йиллар

2. Нарса, ҳодиса, манзара ва шу кабиларнинг нозик ҳис уйғотувчи гўзаллиги, ёқимлилиги.

Кўришгунча хайр, соҳиллар! Хайр, шимол латофатлари! — С. Акбарий

Боғнинг ҳар бурчагида ўзга бир латофат: ариқларда сув кумушланади, майсалардан уқа тутган ҳовуз сув билан эмас, нур билан тўлган каби жимир-жимир мавжланади. — Ойбек, Танланган асарлар

3. Латофат (хотин-қизлар исми).