latofat

ot 1. Latif koʻrinish, chiroy; latiflik, noziklik, goʻzallik.

Bir qiz boʻlsa, shunchalik boʻlar-da! Ana latofat, ana nazokat! — Shuhrat, Shinelli yillar

2. Narsa, hodisa, manzara va shu kabilarning nozik his uygʻotuvchi goʻzalligi, yoqimliligi.

Koʻrishguncha xayr, sohillar! Xayr, shimol latofatlari! — S. Akbariy

Bogʻning har burchagida oʻzga bir latofat: ariqlarda suv kumushlanadi, maysalardan uqa tutgan hovuz suv bilan emas, nur bilan toʻlgan kabi jimir-jimir mavjlanadi. — Oybek, Tanlangan asarlar

3. Latofat (xotin-qizlar ismi).