Kuyish, kuyib qolish

yuqori harorat, elektr toki, kimyoviy moddalar (ishqorlar, kislotalar, ogʻir metallarning tuzlari va boshq.) yoki ionlashtiruvchi nurlanish taʼsiri ostida yuzaga keladigan toʻqimalarning shikastlanishi. Yumshoq toʻqimalarning shikastlanish chuqurligiga qarab K. ning toʻrt darajasi ajratiladi: I – shikastlanish sohasida qizarish va shishish, terining ogʻriqliligi; II – toʻqimalarning qattiq shishishi, terining qizarishi, shaffof yoki xiraroq suyuqlikli pufakchalarning hosil boʻlishi; III – teri va yumshoq toʻqimalarning oʻlishi, poʻstloq yoki koʻtirning yuzaga kelishi; IV – terining va teri osti toʻqimalari (biriktiruvchi toʻqima, muskul)ning suyakka qadar kuyib koʻmirga aylanishi va oʻlishi (nekroz). Alohida shakli – nurlanishli (quyosh, rentgen va boshq.) K.