КРОНБЛОК

полиспаст (юк кўтарувчи) механизмнинг қўзғалмас қисми. Башня туридаги бурғилаш қурилмаларида К. кронблокости балкаларига ўрнатилади ва қотирилади, А-симон минораларда эса минора мосламасига тиралиб туради. Башня туридаги минораларда K.ning қуйидаги турларидан фойдаланилади: УЗ—300, УКБА-6-200, УКБА-6-270 ва УКБА-7-500 ва б. Улар қуйидагича белгиланади: УЗ—300: У—Уралмашзавод; З—узел (мураккаб механизмнинг бир қисми ёки бир қанча деталларни туташтириб турувчи техник қурилма)нинг тартиб номери, 300 — крюкдаги юк кўтара олиш қобилияти. А-симон кўринишдаги минораларда УКБА-6-250, УКБА-7-320 ва УКБА-7-400-1 маркали К. ишлатилади. Бундай К. механизмлар мажмуаси ёрдамида свечаларни механик равишда жойлаштиришга мўлжалланган., Кронблок