korxona

ot 1. Ishlab chiqarish yoki savdo boʻlimi hamda shunday boʻlimlardan bir nechasining birlashmasi.

Davlat korxonalari. Savdo korxonasi. Xususiy korxona. Sanoat korxonalari.

Mexanika zavodlari qurilgunga qadar eski tartibda degrezlik korxonasi ishlardi. — Oydin, Bechora

Hozir Denov shahrida oʻnlab sanoat, avtotransport va qurilish korxonalari ishlab turibdi. — Fan va turmush

2. s. t. Ish joyi, ishxona.

kimdir bozorga oshiqadi, kimdir turtinib-surtinib, korxonasiga shoshadi. — X. Toʻxtaboyev, Shirin qovunlar mamlakati

Malohat surishtirgani korxonaga boribdi; surishtirib qarasa, Jonfigʻon faqat oʻn yetti kun ishlabdi, xolos. — A. Qahhor, Jonfigʻon