Koʻrqinch, qoʻrqish

individning biologik yoki ijtimoiy mavjudligiga tahdid tugʻilgan vaziyatlarda astenik tuygʻular: xavotir, bezovtalik va boshqalarning maʼnoli namoyon boʻlishi bilan bogʻliq hamda haqiqiy yoki tasavvurdagi xavf manbaiga yoʻnaltirilgan ruhiy holat. U oʻzini oʻzi saqlash instinktiga asoslangan, himoya xususiyatiga ega hamda tomir urishi va nafas olish chastotasida, arterial bosim koʻrsatkichlarida aks etadi. Qoʻrquv vazifasiga koʻra boʻlajak xavfdan ogohlantirishga xizmat qiladi, uni chetlab oʻtish yoʻllarini topishga undaydi.