konsentrat

ot 1. Maxsus ishlovdan oʻtkazilgan va pishirishga tayyor qilib qoʻyilgan quruq masalliq.

Kasha konsentrati. Shoʻrva konsentrati.

Samolyot yana bir nechta qop tashladi. Bu qoplarda konsentrat, suxari va shakar bor edi. — I. Rahim, Chin muhabbat

Sharoit falakda kosmonavtlarni konsentrat, siqma ovqat isteʼmol etishga majbur etadi. — OʻTA

2. q. x. Toʻyimli moddalarga boy, kuchli yem-xashak, ozuqa.

Konsentrat yem.

Biz har bosh qoʻyning qishlovi uchun oʻrtacha 2 sentnerdan xashak, yetarli miqdorda shirali ozuqa va konsentrat tayyorlab qoʻyganmiz. — Gazetadan

3. kon. Foydali qazilmalarni boyitish (tosh, tuproq kabi keraksiz narsalarni chiqarib tashlash) yoʻli bilan hosil boʻlgan mahsulot.

Volfram konsentrati. Mis konsentrati.

n concentrate

• taom konsentratlari food concentrates