koʻngilli

sft. 1. Koʻngilga yoqadigan, xush keladigan; yoqimli.

Koʻngilli manzara.

Bu yerda meva-cheva koʻp, daraxtma-daraxt tirmashib, yovvoyi uzum yeyishdan ham koʻngilli narsa bormi? — H. Ahmar, Kim haq?

Bu soʻlim maskanlarda shanba va yakshanba kunlari sayr-u sayohat qilgan hamshaharlarimiz koʻngilli dam oladi, yaxshi hordiq chiqaradi. — Gazetadan

2. Kishilarning oʻz istagi, xohishi bilan qilingan, tuzilgan.

Koʻngilli armiya. Koʻngilli askarlar.

Boʻtaboy partizan otryadiga koʻngilli boʻlib yozildi. — S. Ahmad, Hukm

3. ot vzf. Biror ishga yoki guruhga oʻzi istab, oʻz xohishi bilan kirgan yoki uyushgan kishi(lar).

Kanal qurilishiga 50 ming koʻngilli yetib keldi. — Oʻzbekiston qoʻriqlari