КОМПЬЮТЕРИЗИРОВАННАЯ ГЕОФИЗИЧЕСКАЯ ТЕХНОЛОГИЯ

барча геофизик ишларнинг бажарилишини таъминлайдиган компютерлаштирилган технология. К.г.т. ўлчаш системаси, лаборатория, стансия, кўтаргичлар ва телеўлчаш системасига асосланган бурғу қудуқ асбобларидан таркиб топган. К.г.т. ҳамма бурғу қудуқ аппаратларини ишлатишга ва янги ишлаб чиқарилган махсус асбобларни осон эгаллашга қаратилган. Дастур таъминоти каротаж диаграммаларини эгри чизиқ ва рақам ҳолда қайд қилиш, бирламчи ишлов натижасидан фойдаланиб ҳамма керакли геофизик параметрларни тадқиқот олиб борилаётган жойда аниқлаш имконини беради. Каротаж кабели ёрдамида турли телеметрик системалардан фойдаланиб маълумотни узатиш, асбобларни самарали тушириб чиқариш, бурғилаш жараёнининг самарадорлигини ошириш ва шунга ўхшаш ишларни бажариш мумкин. Каротаж лебедкаси юқори самарали гидравлик бошқаришга эга. Узунлиги 3500, 5000, 7000 ва 10000 м кабеллардан фойдаланилади, бу эса ўз навбатида ўта чуқур қудуқларни геофизик тадқиқот қилиш имконини яратади. Амалиётда ДС—15, ТЛС—19//96, КАРАТ системалари ва «П» модулли бурғу қудуқ асбоблари билан таъминланган К.г.т. аппаратлари кўп ишлатилади. Улар ёрдамида бир вақтнинг ўзида, яъни аппаратни Ер юзига чиқармасдан туриб бир неча эгри чизиқларни ёзиб олиш мумкин. «П» модулли асбоблардан қуйидаги ишларни, Компютерлаштирилган геофизик технология