КОМПЬЮТЕРИЗИРОВАННАЯ ГЕОФИЗИЧЕСКАЯ ТЕХНОЛОГИЯ

barcha geofizik ishlarning bajarilishini taʼminlaydigan kompyuterlashtirilgan texnologiya. K.g.t. oʻlchash sistemasi, laboratoriya, stansiya, koʻtargichlar va teleoʻlchash sistemasiga asoslangan burgʻu quduq asboblaridan tarkib topgan. K.g.t. hamma burgʻu quduq apparatlarini ishlatishga va yangi ishlab chiqarilgan maxsus asboblarni oson egallashga qaratilgan. Dastur taʼminoti karotaj diagrammalarini egri chiziq va raqam holda qayd qilish, birlamchi ishlov natijasidan foydalanib hamma kerakli geofizik parametrlarni tadqiqot olib borilayotgan joyda aniqlash imkonini beradi. Karotaj kabeli yordamida turli telemetrik sistemalardan foydalanib maʼlumotni uzatish, asboblarni samarali tushirib chiqarish, burgʻilash jarayonining samaradorligini oshirish va shunga oʻxshash ishlarni bajarish mumkin. Karotaj lebedkasi yuqori samarali gidravlik boshqarishga ega. Uzunligi 3500, 5000, 7000 va 10000 m kabellardan foydalaniladi, bu esa oʻz navbatida oʻta chuqur quduqlarni geofizik tadqiqot qilish imkonini yaratadi. Amaliyotda DS—15, TLS—19//96, KARAT sistemalari va «P» modulli burgʻu quduq asboblari bilan taʼminlangan K.g.t. apparatlari koʻp ishlatiladi. Ular yordamida bir vaqtning oʻzida, yaʼni apparatni Yer yuziga chiqarmasdan turib bir necha egri chiziqlarni yozib olish mumkin. «P» modulli asboblardan quyidagi ishlarni, Kompyuterlashtirilgan geofizik texnologiya