компютер тармоғи

Ҳисоблаш тизими. У бир неча компютер, терминал ва бошқа аппарат воситаларини ўз ичига олиб, маълумотлар узатишни таъминлайдиган алоқа линиялари билан ўзаро боғланган. Компютерлар бир бири билан ўзаро бевосита ёки оралиқ компютерлар орқали уланадилар. Тармоқнинг тузилиши ва тармоқ дастурий таъминоти имкониятларига қараб, бирор компютер ёки терминал фойдаланувчиси қуйидаги имкониятларга эга бўлиши мумкин: бошқа компютер хотирасида сақланаётган маълумотлардан фойдаланиш; ўзининг амалий дастурини бажариш учун қувватлироқ компютернинг марказий процессори ва унинг хотирасидан фойдаланиш; тармоққа қўшилган барча компютерларнинг бирлашган ресурсларидан фойдаланиш. Тармоқларга мисол сифатида авиалиниялар чипталарига буюртма бериш ягона тизими ёки банкни ва унинг турли шаҳарларда ва ҳатто, мамлакатларда жойлашган бўлимларини боғловчи тармоқни кўрсатиш мумкин. Бутун дунёда кенг тарқалган глобал компютер тармоғи Интернет эса яққол мисолдир.инглизчаcomputer networkрусчакомпьютерная сеть